Summus Pontifex Friburgi adhortatus est, ut Ecclesia „a mundo se abstraheret“

E Friburgo (kathnews/RV). Tempore diei Dominicae vespertino Summus Pontifex catholicos, qui muneribus officiisque funguntur, allocutus est. In oppidi domo concentus musici genere huic tempori proprio exstructi, postquam eis gratias egit de opera, cui se dant, de condicionibus Ecclesiae in Germania liquida haec protulit verba: Deum semper minus coli, multos catholicos Ecclesiam relinguere. „Quaestio“, inquit, „oritur: Ecclesiane mutari debet? Nonne officia structurasque huic tempori accomodare debent, ut homines quaerentes et dubitantes huius temporis attingantur?“ … „Causam praecipuam Ecclesiae mutationis“ debere esse „missionem apostolicum discipulorum et ipsius Ecclesiae“ Benedictus XVI ad litteram explicavit. Huius missionis „semper semperque consciam esse“ debere Ecclesiam. „Ad missionem suam in effectum deducendam ea iterum iterumque se ab ambitu diungere, „se a mundo quodammodo abstahere“ debet.“ „Missio Ecclesiae“ ex substantia Dei exoritur, ex caritate scilicet se diffundente Trinitatis.

Foto: Papst Benedikt XVI. – Bildquelle: Fabio Pozzebom/ABr