Benedictus XVI: „Unitas christianorum unitas cum Iesu est“

E Civitate Vaticana (kathnews/RV). nitatis inter omnes christianos doni gratia Ecclesia fit locus, ubi missio Christi continuatur. Hoc Bendictus XVI in memoriam redegit multis alloquendi precandique causa die Mercurii admissis. Ex precatione summi sacerdotis Iesu initium sumens Benedictus XVI extulit studium unitatis fovendae et hoc boni Ecclesiae fovendi necessarium esse: „Hic pro Ecclesia omnium temporum preces effundit imprimis rogans, ut christiani unum sint et hac in unitate missio Christi mundo manifestetur et ita Ecclesia continuare possit, ut crescat. Precatio Iesu non solum est verbum, potius est actio, est factum eius ipsius deditionis.“ Papa hebdomadam de unitatis christianorum prae oculis habens eos invitavit, ut „donum unitatis visibilis omnium Christum sequentium“ supplicarent.

Foto: Papst Benedikt XVI. – Bildquelle: Fabio Pozzebom/ABr