Benedictus XVI: „Unitas christianorum donum est“

E Civitate Vaticana (kathnews/RV). Mercurii die Hebdomada Precationis pro Unitate Christianorum incepit. Summus Pontifex Benedictus XVI multis alloquendi precandique causa admissis hac ex occasione provocationem oecumenismi memoravit. Ad unitatem christianorum non solum spectare comitatem et humanitatem necnon mutuam operam adiutricem, sed fundamentum potius esse debere fidem profundam Dei communiter professam: „Hebdomada precationis nos monet unitatem, ad quam annitimur, non ab nobismetipsis effeci posse, sed donum esse, quod accepimus quodque semper supplices petere debemus“, Papa in memoriam revocavit. Hebdomada Universalis Precationis pro Unitate his verbis suffulcitur: „Nos omnes immutabimur victoria Christi, Domini nostri“ (1 Cor 15, 51-58).

Foto: Papst Benedikt XVI. – Bildquelle: Tourvindus, CC bei Flickr